АҚШ вице-президенти Майкл Пенс АҚШнинг КХДРга нисбатан «сабр косаси тўлганини» маълум қилди. Бу ҳақда «Коммерсантъ» хабар берди.
«Стратегик сабр даври бўлган эди, бироқ у ўз ниҳоясига етди», — деди Пенс Корея яриморолини иккига бўлиб турувчи ҳарбийсизлантирилган ҳудудни кўздан кечириш вақтида. Унинг таъкидлашича, КХДРга нисбатан ҳар қандай чора қўлланилиши мумкин ва Шимолий Корея АҚШнинг иттифоқчилар билан бирлашишига шубҳа қилмаса ҳам бўлади.
Ҳарбийсизлантирилган ҳудудни бориб кўриш АҚШ вице-президентининг Осиёга ташрифи дастурига киради. Шунингдек, у Жанубий Корея президенти вазифасини вақтинча бажарувчи Хван Гё Ан билан музокара олиб бориши ҳамда КХДРнинг ракета ва ядро дастурини тўхтатишни муҳокама қилиши режалаштирилган.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)