Намангандаги янги автобус йўналишларида Isuzu русумли 55 та автобус қатновга чиқди

Наманган вилоятидаги янги автобус йўналишларида Isuzu русумли 55 та автобус қатновга чиқди. Бу ҳақда «1news.uz» хабар бермоқда. 

Наманган шаҳрининг марказий қисмини 12 та турар-жой даҳаси билан боғловчи йўналишлар ишлаб чиқилди. Фойдаланишга топширилган янги автобуслар вилоят марказини қўшни қишлоқлар билан боғлаш имконини беради. Жумладан, Тўрақўрғон тумани аҳолисини шаҳарга етказиш учун 7 та автобус хизмат қилмоқда. 

Янги йўналишлар очилишидан ташқари, бир пайтлар тўхтатиб қўйилганлари ҳам тикланмоқда. Жумладан, чегарадаги Оқтом қишлоғидан вилоят марказига қатнов учун янги автобуслар ажратилди. 

Вилоят йўлларида GPS-мониторинг тартибида ишловчи таксиларни ҳам энди тез-тез учратиш мумкин. Уларнинг сони 200 тага етгани билдиримоқда.

Эслатиб ўтамиз, март ойида Наманган шаҳрининг баъзи кўчаларида кундузи Damas автомобилларининг ҳаракатланиши тақиқланганди.

«Дарё»нинг Telegram’даги расмий канали — @toshqindaryo’га аъзо бўлинг!