Namangan viloyatidagi yangi avtobus yo‘nalishlarida Isuzu rusumli 55 ta avtobus qatnovga chiqdi. Bu haqda “1news.uz” xabar bermoqda.
Namangan shahrining markaziy qismini 12 ta turar-joy dahasi bilan bog‘lovchi yo‘nalishlar ishlab chiqildi. Foydalanishga topshirilgan yangi avtobuslar viloyat markazini qo‘shni qishloqlar bilan bog‘lash imkonini beradi. Jumladan, To‘raqo‘rg‘on tumani aholisini shaharga yetkazish uchun 7 ta avtobus xizmat qilmoqda.
Yangi yo‘nalishlar ochilishidan tashqari, bir paytlar to‘xtatib qo‘yilganlari ham tiklanmoqda. Jumladan, chegaradagi Oqtom qishlog‘idan viloyat markaziga qatnov uchun yangi avtobuslar ajratildi.
Viloyat yo‘llarida GPS-monitoring tartibida ishlovchi taksilarni ham endi tez-tez uchratish mumkin. Ularning soni 200 taga yetgani bildirimoqda.
Eslatib o‘tamiz, mart oyida Namangan shahrining ba’zi ko‘chalarida kunduzi Damas avtomobillarining harakatlanishi taqiqlangandi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)