Ўзбекистон Республикаси Олий Мажлис Қонунчилик палатаси депутати Зафар Ханиязов Амударё туманидаги хонадонларда бўлиб, аҳоли талаб-истакларини ўрганди. Бу ҳақда «KRuz.uz» хабар бермоқда.
Учрашувларда асосан тумандаги «Хитой» «Буз-ёп» ва «Тор-ёп» овул фуқаролар йиғинларида истиқомат қиладиган фуқаролар мурожаатлари тингланди.
«Хитой» ОФЙда яшовчи Т.Бозорбаев суюлтирилган газ балонлари олиш учун шохобча очиш таклифини билдирди. Қолаверса, ҳудудга пойабзал тузатиш устахонаси кераклигини айтиб ўтди.
Бундан ташқари, ҳудудга кўмир етказиб бериш шохобчаси, дорихона, ҳаммом, гўзаллик салони, сартарошхона очиш ҳамда тунги ёритгичлар ўрнатиш масалаларини кўтарди.
«Буз-ёп» ОФЙда К.Юсупова чорвачилик бўйича кредит олишда ёрдам сўради. Ш.Шамуратов эса ҳудуднинг 8 километр йўли таъмирталаб эканлигини билдирди.
Учрашувлар жараёнида аҳоли асосан коммунал, транспорт ва савдо хизмати, йўллар ҳолати, энергия таъминоти ва ижтимоий соҳа бўйича муаммолар билан мурожаат қилди. Маҳаллий мутасаддилар билан биргаликда уларнинг ечимини топиш бўйича тегишли вазифалар белгилаб олинди.
Изоҳ (0)