Малайзияда КХДР етакчисининг акаси Ким Чон Нам танаси мумиёланди, дея хабар беради «Газета.ru».
Муолажа шу ҳафта Куала-Лумпурда амалга оширилган. Марҳумнинг жасадини олиб кетиш учун унинг оила аъзоларидан ҳеч ким келмаган.
Мамлакат раҳбарларининг айтишича, тана уни узоқ муддат ўз ҳолатида сақлаб туриши учун мумиёланган.
Малайзия раҳбарияти КХДРни Ким Чен Иннинг акасининг ўлдирилишига алоқадорликда айбламоқда. Шу сабабли ҳам икки давлат орасидаги дипломатик муносабатлар бузилган.
Ким Чон Нам 13 февраль куни Куала-Лумпур аэропортида ўлдирилган эди. Малайзия полициясининг хабарига кўра, икки нафар аёл қурбоннинг юзига асабни фалажловчи заҳар — VX’ни сепган. Шундан 20 дақиқа ўтар-ўтмас Ким Чон Нам вафот этган.
Шимолий Корея эса Малайзияда КХДРнинг Ким Чхол исмли фуқароси вафот этгани ва у қасддан ўлдирилмаганини таъкидламоқда.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)