Наманганлик тадбиркорлар делегацияси Zanotti компаниясининг қишлоқ хўжалик маҳсулотларини сақлаш ва саралаш, қайта ишлаш ва қадоқлаш технологиялари билан танишиш мақсадида Италияда бўлиб қайтди. Бу ҳақда «Дарё»га Ўзбекистон Савдо-саноат палатаси Наманган ҳудудий бошқармаси мутасаддилари маълум қилди.
Бир ҳафта давом этган ташриф давомида делегация аъзолари Италия—Ўзбекистон Савдо палатаси президенти Луиджи Иперти, Zanotti компанияси президенти Вальтер Маиоччи, Италия ишлаб чиқарувчилар ва хусусий корхоналар конфедерацияси масъул ходими Вальтер Замполини билан мулоқотда бўлди.
Музокаралар якунида умумий қиймати 2,67 миллион еврога тенг қишлоқ хўжалик маҳсулотларини сақлаш совутгичларини етказиб бериш ва ўрнатиш бўйича 5 та келишув баённомаси имзоланди.
Шунингдек, вилоят корхоналарнинг Италияда ўтказиладиган ҳамда Италия корхоналарининг Наманганда ташкил этиладиган кўргазма ва ва бизнес-форумларда иштирок этишлари, технологиялар етказиб беришга кўмаклашишга қаратилган ҳамкорлик меморандуми имзоланди.
Эслатиб ўтамиз, аввалроқ наманганлик тадбиркорлар Хитойдаги халқаро ярмарка ташкилотчилари билан телекўприк орқали боғлангани билдирилганди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)