Ўзбекистон Президенти Шавкат Мирзиёев томонидан 14 февраль куни имзоланган «Ўзбекистон Республикаси Автомобиль йўллари давлат қўмитаси ва Ўзбекистон Республикаси Вазирлар Маҳкамаси ҳузуридаги Республика йўл жамғармаси фаолиятини ташкил этиш тўғрисида»ги қарорга мувофиқ ташкил этилаётган янги қўмита таркибида олий ва ўрта махсус ўқув юртлари ҳам бўлади. Бу ҳақда «Ўзавтойўл» матбуот хизмати хабар берди.
Қарорга кўра, Тошкент автомобиль йўлларини лойиҳалаштириш, қуриш ва фойдаланиш институти ҳамда мамлакатдаги қатор ихтисослашган касб-ҳунар коллежлари Ўзбекистон автомобиль йўллари давлат қўмитаси таркибига берилади. Жумладан, қўмита бошқарувига қуйидаги ўқув юртлари киритилди:
- Тошкент автомобиль йўлларини лойиҳалаштириш, қуриш ва фойдаланиш институти;
- Бухоро автомобиль ва йўллар касб-ҳунар коллежи;
- Қўқон автотранспорт касб-ҳунар коллежи;
- Урганч автомобиллар ва йўллар касб-ҳунар коллежи;
- Тошкент автомобиль йўллари касб-ҳунар коллежи.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)