Қозоғистоннинг Ўзбекистондаги элчиси Ерик Утембаев маҳаллий ишлаб чиқариш корхоналари билан танишиш ҳамда вилоятлар миқёсида тўғридан-тўғри ҳамкорликни йўлга қўйиш истиқболларини ўрганиш учун Наманган вилоятига келди. Бу ҳақда вилоят ҳокимлиги ахборот хизмати хабар бермоқда.
Дастлаб Наманган вилояти ҳокими Хайрулло Бозоров билан учрашув бўлиб ўтди. Унда вилоятнинг иқтисодий-саноат салоҳияти ҳақида сўз борди, шунингдек, қўшма агросаноат зонаси ташкил этиш масаласи муҳокама қилинди.
Икки мамлакат вилоятлари ўртасида ҳамкорликни ривожлантириш, кичик ва ўрта бизнес даражасида ўзаро манфаатли лойиҳаларни ҳам йўлга қўйишимиз талаб этилади. Бугунги кунда Қозоғистонда йирик бизнес ривожланган, лекин кичик ва ўрта бизнес оқсамоқда. Агар Ўзбекистонда мазкур секторнинг ЯИМдаги улуши 82 фоиз бўлса, бизда 30—40 фоизни ташкил этади. Шундай экан, Қозоғистон кичик ва ўрта бизнесни ривожлантиришда ўзбек тажрибасини ўрганиши фойдадан ҳоли эмас.Қозоғистон элчиси сафари давомида вилоятдаги этакчи корхоналар фаолияти билан танишди, тадбиркорлик субъектлари вакиллари билан учрашди.Ерик Утембаев, Қозоғистон элчиси
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)