Ўзбекистон Республикаси Президенти Шавкат Мирзиёев 2016 йилнинг сентябрь ойида Тошкент метросининг «Юнусобод» йўналишидаги иккита янги — «Юнусобод» ва «Туркистон» бекатлари қурилиш ишларини якунлаш юзасидан топшириқ берган эди. «Дарё» мухбири мазкур жараёндан махсус фоторепортаж тайёрлади.
Тошкент шаҳар ҳокимлиги ва «Ўзбекистон темир йўллари» АЖ томонидан Тошкент метрополитени Юнусобод йўналиши иккинчи босқичи қурилишини 2017—2019 йилларда якунлаш тўғрисида таклиф киритилган.
124,8 миллион доллар қийматидаги мазкур лойиҳани молиялаштириш манбалари сифатида 72 миллион доллар эквивалентидаги давлат бюджети маблағи ҳамда Ўзбекистон тикланиш ва тараққиёт фондининг 52,8 миллион доллар миқдоридаги кредити кўзда тутилган.
Маълумот учун, Тошкент метрополитенининг «Юнусобод» йўли 2001 йили ишга туширилган бўлиб, ҳозирги вақтда олтита — «Шаҳристон», «Бодомзор», «Минор», «Абдулла Қодирий», «Юнус Ражабий» ва «Мингўрик» бекатларидан иборат, йўналишнинг узунлиги 6,4 километрни ташкил этади.
Шавкат Мирзиёев Тошкент метросининг «Юнусобод» йўналишидаги икки бекатда қурилишни якунлаш тўғрисидаги топшириқдан ташқари, Сергелида ер усти тезюрар метро қурилишини лойиҳалаштиришни жадаллаштириш ҳақида кўрсатма берган эди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)