O‘zbekiston Respublikasi Prezidenti Shavkat Mirziyoyev 2016-yilning sentabr oyida Toshkent metrosining “Yunusobod” yo‘nalishidagi ikkita yangi — “Yunusobod” va “Turkiston” bekatlari qurilish ishlarini yakunlash yuzasidan topshiriq bergan edi. “Daryo” muxbiri mazkur jarayondan maxsus fotoreportaj tayyorladi.
Toshkent shahar hokimligi va “O‘zbekiston temir yo‘llari” AJ tomonidan Toshkent metropoliteni Yunusobod yo‘nalishi ikkinchi bosqichi qurilishini 2017—2019-yillarda yakunlash to‘g‘risida taklif kiritilgan.
124,8 million dollar qiymatidagi mazkur loyihani moliyalashtirish manbalari sifatida 72 million dollar ekvivalentidagi davlat budjeti mablag‘i hamda O‘zbekiston tiklanish va taraqqiyot fondining 52,8 million dollar miqdoridagi krediti ko‘zda tutilgan.
Ma’lumot uchun, Toshkent metropolitenining “Yunusobod” yo‘li 2001-yili ishga tushirilgan bo‘lib, hozirgi vaqtda oltita — “Shahriston”, “Bodomzor”, “Minor”, “Abdulla Qodiriy”, “Yunus Rajabiy” va “Mingo‘rik” bekatlaridan iborat, yo‘nalishning uzunligi 6,4 kilometrni tashkil etadi.
Shavkat Mirziyoyev Toshkent metrosining “Yunusobod” yo‘nalishidagi ikki bekatda qurilishni yakunlash to‘g‘risidagi topshiriqdan tashqari, Sergelida yer usti tezyurar metro qurilishini loyihalashtirishni jadallashtirish haqida ko‘rsatma bergan edi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)