Наманган шаҳридаги педагогика коллежида вояга етмаганлар билан ишлаш комиссиясининг сайёр суди бўлиб ўтди. Бу ҳақда шаҳар ҳокимлиги ахборот хизмати маълум қилди.
Мазкур коллежда 33 нафар ўқувчи дарсларга мунтазам равишда қатнашмай келмоқда. Уларнинг ота-оналари, гуруҳ раҳбарларидан бунинг сабабларига изоҳ бериш сўралди. Фарзандлари таълим-тарбиясига етарли даражада эътибор қаратмаган ота-оналарга тегишли қонун талабларига асосан сайёр суд қарори билан жарима жазоси қўлланилди.
«Оила—маҳалла—таълим муассасаси» ҳамкорлигини изчил таъминламаган «Учқун» (9 нафар ўқувчи шу маҳалладан), «Якка сада», «Гулбоғ» , «Маданий маориф», «Саноат», «Янги ҳаёт», «Янги йўл», «Олтитош», «Келажак тонги», «Атанган гузар», «Шарқ тонги», «Чинор» маҳалла фуқаролар йиғинлари раислари ва маслаҳатчиларидан масъулият талаб этилди. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)