Афғонистон шимолида сутка мобайнида совуқ туфайли 14 киши ҳалок бўлди

Афғонистон шимолида ўтган сутка мобайнида совуқ туфайли 14 киши ҳалок бўлди. Бу ҳақда «РИА Новости» хабар бермоқда.

Жузжон вилоятининг Дарзоб округи раҳбари Раҳматуллоҳ Ҳашарга кўра, қалин қор ва совуқ туфайли округда 5 нафар чўпон музлаб қолди.

Табиий офатларга қарши кураш бошқармаси бошлиғи Азиз Аймоқнинг маълум қилишича, яна 5 киши қўшни Сарипул вилоятида ноқулай об-ҳаво қурбонига айланди.

Бадахшон вилоятида эса совуқ 4 кишининг умрига зомин бўлди. «Дарё»нинг Telegram’даги расмий канали — @toshqindaryo’га аъзо бўлинг!