Ўзбекистон Президенти Шавкат Мирзиёев Адиб Собир Термизий номидаги вилоят ахборот-кутубхона маркази ва Санъат саройи мажмуаси қурилиши билан танишди. Бу ҳақда ЎзА хабар бермоқда.
Лойиҳа қиймати 7,6 миллиард сўмни ташкил этадиган ушбу замонавий ахборот-кутубхона маркази 223 мингдан ортиқ китоб фондига эга бўлади. Унда махсус хоналар, мутолаа заллари барпо этилмоқда.
«Унинг фойдаланишга топширилиши вилоят ёшлари салоҳиятини юксалтириш, китоб мутолааси ва китобхонлик маданиятини янада ошириш, изланувчан ўқувчилар ва талабаларнинг илмий-оммабоп, бадиий, тарихий, тарбиявий-маърифий адабиётларга бўлган эҳтиёжини қондиришга хизмат қилади», — дейилади ЎзА ахборотида.
Биринчи Президент Ислом Каримовнинг 2015 йил 22 майдаги қарорига мувофиқ барпо этилаётган Санъат саройи миллий меъморлик ва замонавий архитектура ечимларини ўзида мужассам этади.
Мураккаб конструкцияли, ноёб қурилиш материалларидан фойдаланган ҳолда бунёд этилаётган 700 ўринли Санъат саройи ва 1,5 минг ўринли амфитеатрда пардозлаш ишлари олиб борилмоқда. Ушбу мажмуани Наврўз байрамига қадар фойдаланишга топшириш режалаштирилган.
«Давлатимиз раҳбари мажмуа қурилиши билан танишар экан, унда аҳолининг маданий дам олиши учун барча қулайликлар яратиш, иншоотни замонавий жиҳозлаш бўйича зарур кўрсатмалар берди», — деб ёзади ЎзА.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)