Корея Республикасидаги Америка қўшинлари КХДРга зарба бериш учун имкониятларини мустаҳкамлаши керак. Бу ҳақда Сеулдаги хавфсизлик бўйича телеконференцияда АҚШнинг Жанубий Кореядаги ҳарбий контингенти қўмондони генерал Винсент Брукс маълум қилди, деб ёзади «ТАСС».
«Ким Чен Ин ўз мамлакатини қандай йўналишда етаклаб бораётгани аниқ-равшан, у АҚШга хавф солиши мумкин бўлган ҳамда тийиб туриш мақсадларида ҳам, ‘мажбур қилиш дипломатияси’ олиб бориш учун ҳам қўлланилиши мумкин бўлган тўла-тўкис арсенални яратиш ниятида», — деб ҳисоблайди у.
Брукс сўзларига кўра, Пхеньяннинг мобил платформадаги мингдан ортиқ баллистик ракеталари бор, шунингдек, у қитъалараро янги ракеталарни учириш билан таҳдид қилмоқда.
«Бу ерда оддий мудофаа етарли эмас. Агар биз камончиларни ўлдира олмасак, барча ўқларни тута олмаймиз», — деди у. Генерал таъкидлашича, Жанубий Кореяда аҳоли юқори зичликда жойлашгани учун, Шимолий Кореянинг биргина ракетаси ҳам даҳшатли талафот етказиши мумкин. Шу туфайли, унинг фикрича, Жанубда ракетага қарши мустаҳкам мудофаа тизимини яратиш ва зарба салоҳиятини ўстириш керак.
Изоҳ (0)