АҚШнинг энг кекса аёл фуқароси 114 ёшида вафот этди, деб ёзади «ТАСС» Fox News’га таяниб.
Унинг маълумотларига кўра, Адель Данлап ўзи туғилиб-ўсган Нью-Жерси штатидаги Флемингтон шаҳри яқинида жойлашган касалхонада оламдан ўтди.
1902 йилда Ньюарк шаҳрида туғилган Данлап турмушга чиққунига қадар ўқитувчи бўлиб ишлаган, сўнг уч фарзандни тарбиялаган. Аделнинг турмуш ўртоғи суғурта компаниясида ишлаган, у 1963 йилда вафот этган.
Данлап ҳаётлигида у бундай ёшгача яшашга қандай эришганлиги тўғрисидаги саволларга нима деб жавоб беришни билмаслигини тан олган эди. Унинг ўғли Эрл онаси соғлом турмуш тарзини олиб бормаганини айтди: У спорт билан шуғулланмаган, истаган таомини истеъмол қилган, баъзан спиртли ичимликлар ҳам ичиб турган.
Эндиликда Пенсильвания штатида яшовчи 113 ёшли Дэлфин Гибсон АҚШнинг энг кекса аёл фуқаросига айланди.
Изоҳ (0)