Starbucks’нинг бош ижрочи директори Говард Шульц компания келгуси беш йил ичида 75 та мамлакатда, тахминан, 10 минг қочоқни ишга олишни режалаштираётгани ҳақида баёнот берди, деб хабар бермоқда TJournal.
Ишбилармон бу ҳақда ўзининг ҳамкорларига йўллаган очиқ хатида эълон қилди. У хатни Дональд Трамп етти мамлакат фуқароларига АҚШга киришни тақиқлаш ҳақидаги қарорни имзолаганидан сўнг жўнатди.
Шульц компания бу қийин даврни енгиб ўтишда ходимларга ёрдам бериш учун барча имкониятларни яратишга ҳаракат қилаётганини таъкидлади.
Мен бу имкониятдан фойдаланиб бутун дунёдаги ҳамкорларимизнинг ишончини мустаҳкамлаш учун амалга ошириладиган аниқ мақсадларимизни баён қилмоқчиман. Шунингдек, янги ҳукуматнинг кун сайин ўсиб бораётган ноаниқ ҳаракатлари олдида жим қараб турмаймиз.Хатда компания томонидан ходимларни қўллаб-қувватлаш ва келгуси ходимлар учун қулай шароитларни яратиш мақсадида амалга ошириладиган чора-тадбирлар санаб ўтилган. Шульцнинг таъкидлашича, у 75 та мамлакатда, биринчи навбатда АҚШда, беш мингта қочоқни ишга жойлаштиришга эътибор қаратишни мақсад қилиб қўйган.Говард Шульц, Starbucks компанияси бош ижрочи директори
Шунингдек, Шульц Мексикада, «девор эмас, кўприк қурган ҳолда» бизнесни ривожлантиришга, Обама президентлиги вақтида пайдо бўлган, қочоқларга иш топиш ва тиббий суғурта олиш ишларида ёрдам беришга ваъда берди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)