«Сувсоз» давлат унитар корхонаси 26 январь соат 05.00 дан 28 январь соат 05.00 гача Тошкент шаҳрининг айрим туманларида ичимлик суви босимининг пасайиши ва бўлмаслигини маълум қилди, деб ёзади UZ24.
Хабарга кўра, Боғишамол ва Янгишаҳар кўчалари оралиғида янги автойўл ҳамда Бўзсув канали билан кесишган жойда кўприк қурилиши сабабли, Бўзсув бош сув иншооти ҳудудида диаметри 1200 мм сув тармоғини қайта қуриш ва улаш ишлари олиб борилмоқда.
Қуйидаги ҳудудларда сув бўлмайди:
Олмазор тумани бўйича: Б-1 мавзесидаги Чустий маҳалласи, Б-3 мавзесидаги Алишер Навоий маҳалласи. Марказ 17, 18 мавзесидаги Себзор, Янги Себзор, Тахтапул маҳаллаларида. Беруний майдони, Хончарбоғ, Алоқа, Фаробий, Чимбой-2, Қорасарой, Гузарбоши, Қўштут, Аллон, Эски Шаҳар, Қумлоқ, Ҳофиз Куҳакий, Абу Бакр, Истиқлол маҳаллаларида. Абдулла Қодирий кўчаси Себзор кўчасидан Фаробий Чиғатой дарвозасигача, Фаробий, Мирзо Ғолиб кўчаларида, Беруний кўчасидаги Нон ишлаб чиқариш заводида, Талабалар шаҳарчасида.
Шайхонтоҳур тумани бўйича: Марказ 26, 27, 28 мавзеларидаги Гулобод, Боғкўча, Сархумдон маҳаллаларида. Қоратош, Чақар, Чорсу, Янги Камолон, Ҳувайдо, Гулбозор, Сузукота, Исломобод, Оқилон, Шофайз, Янгишаҳар, Обиназир, Кохота, Ўзбекистон, Тахтапул, Катта Ҳовуз маҳаллаларида. 1-Болалар юқумли касалликлар шифохонасида, Навоий кўчаси Самарқанд Дарвоза кўчасидан Фурқат кўчасигача, Самарқанд Дарвоза кўчаси Навоий кўчасидан Термиз кўчасигача, 1-Шаҳар клиник шифохонаси ва туғуруқхонасида, Тошкент Давлат Циркида, Чорсу бозорида, ЖАР спорт комплексида, Аброр Ҳидоятов номидаги ва Миллий Академик Драма Театрларида.
Юнусобод тумани бўйича: Жомий маҳалласи, Нақшбандий, Мукарамма Турғунбоева, Миртемир, Тахтапул дарвозаси, Боғча кўчаларида. Боғиравон, Гулғунча, Аваз Ўтар тор кўчалари билан Бўзсув маҳалласидаги Боғишамол 2, 2а кўп қаватли уйларида, Минг Ўрик 1, 2-тор кўчаларида. Обод маҳалласидаги Наманган, Боғишамол, Қизилқўрғон, Ўртасарой, Машинасозлар, Гулбоғ кўчаларида, Чаманзор кўчаси тор кўчалари билан.
Қуйидаги ҳудудларда сув босими пасаяди:
Олмазор тумани бўйича: Бобожонова, Нодира кўчаларида.
Шайхонтоҳур тумани бўйича: Марказ-15, Бешёғоч мавзесида, Кохота маҳалласида, 3-Туман Иссиқлик Қозонхонасида.
Юнусобод тумани бўйича: 4-Туман Иссиқлик Қозонхонасида.
Учтепа тумани бўйича: 5-Туман Иссиқлик қозонхонсида, Шайхзода, Фарҳод, Қурилиш кўчаларида, Лутфий кўчаси Фарҳод кўчасидан Хирмонтепа кўчасигача, Хирмонтепа кўчаси Фарҳод кўчасидан Ширин кўчасигача.
Сув бўлмаган жойларга сув ташувчи махсус автомашиналар юборилади.
Изоҳ (0)