Ўзбекистон Республикаси Президенти Шавкат Мирзиёев Покистон Ислом Республикаси Президенти Мамнун Ҳусайнга ва биродар Покистон халқига Парачинар шаҳрида содир этилган террорчилик ҳаракати оқибатида кўплаб тинч аҳоли вакилларининг нобуд бўлганлиги муносабати билан чуқур таъзия изҳор этилган мактуб йўллади. Бу ҳақда Ўзбекистон Республикаси Ташқи ишлар вазирлиги матбуот хизмати хабар берди.
Ўзбекистон раҳбари мактубда қурбон бўлганларнинг оила аъзолари ва яқинларига самимий ҳамдардлик ва далда сўзларини етказиб қўйишни сўради ҳамда жароҳат олганларнинг қисқа муддатларда соғайишини тилади.
Эслатиб ўтамиз, 21 январь куни Парачинар шаҳридаги сабзавот бозорида рўй берган портлаш оқибатида 25 киши ҳалок бўлди ва 87 киши жароҳатланди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)