Shavkat Mirziyoyev Pokistonga ta’ziya maktubi yo‘lladi
O‘zbekiston Respublikasi Prezidenti Shavkat Mirziyoyev Pokiston Islom Respublikasi Prezidenti Mamnun Husaynga va birodar Pokiston xalqiga Parachinar shahrida sodir etilgan terrorchilik harakati oqibatida ko‘plab tinch aholi vakillarining nobud bo‘lganligi munosabati bilan chuqur ta’ziya izhor etilgan maktub yo‘lladi. Bu haqda O‘zbekiston Respublikasi Tashqi ishlar vazirligi matbuot xizmati xabar berdi.
O‘zbekiston rahbari maktubda qurbon bo‘lganlarning oila a’zolari va yaqinlariga samimiy hamdardlik va dalda so‘zlarini yetkazib qo‘yishni so‘radi hamda jarohat olganlarning qisqa muddatlarda sog‘ayishini tiladi.
Eslatib o‘tamiz, 21-yanvar kuni Parachinar shahridagi sabzavot bozorida ro‘y bergan portlash oqibatida 25 kishi halok bo‘ldi va 87 kishi jarohatlandi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
