Ғарбий Африка мамлакатлари иқтисодий ҳамжамияти Гамбиядаги ҳарбий операцияни тўхтатиб, республика собиқ президентига ўз ваколатларини тугатиш ва ҳокимиятни сайланган давлат раҳбарига топшириш учун имконият беришга қарор қилди. Бу ҳақда Reuters ҳукумат доираларидаги манбасига таяниб хабар берди, деб ёзади «РБК».
Ташкилотдагилар айтишича, ваколатлари муддати 19 январь куни тугаган президент Яйя Жамме 20 январь куни туш вақтигача ҳокимиятдан воз кечиши керак. Акс ҳолда, мамлакат ҳудудидаги ҳарбий операция давом эттирилади.
Аввалроқ Сенегал Гамбияда президент Жамме ўз ваколатларини тугатишдан бош тортгани учун юзага келган «танг вазиятни барқарорлаштириш учун» мамлакатга ўз ҳарбий контингентини киритган эди.
Изоҳ (0)