CNN телеканали АҚШнинг сайланган президенти Дональд Трампнинг инаугурация чоғида ўлдирилиши оқибатларини моделлаштирди ва уни ўз репортажида кўрсатди.
Мухбир Брайан Тодд Трамп, вице-президент ва Конгресснинг олий мансабдорларига нисбатан суиқасд сценарийси асосини ишлаб чиқди.
Унинг сўзларига кўра, АҚШ Конституциясига кўра, давлат раҳбари ва вице-президент ўлдирилса ёки қандайдир сабабга кўра ўз мажбуриятларини бажара олмаса, уларнинг ўрнини вакиллар палатаси спикери эгаллайди. Агар суиқасд чоғида у ҳам жабрланса, унда лавозим Сенатнинг вақтинчалик президентига, сўнгра давлат котибидан бошлаб, вазирларга қолади.
Тодд, шунингдек, Трампнинг инаугурацияси чоғида амалдаги президент Барак Обаманинг вазирлари, шу жумладан, давлат котиби Жон Керри ўз ваколатларини тугатишини таъкидлади. Аммо унинг эҳтимолий давомчиси Рекс Тиллерсон ҳозирча сенат томонидан ўз лавозимига тасдиқлангани йўқ, шу сабабли унинг мажбуриятларини вақтинчалик давлат котибининг сиёсий масалалар бўйича ўринбосари Том Шеннон бажаради.
Журналист эслатишича, АҚШда кутилмаган вазиятлар юз берган тақдирда, вазирлардан бири «навбатчи ворис» сифатида сайланади, у инаугурацияда қатнашмайди ва узоқ жойда соқчилар назорати остида бўлади.
Изоҳ (0)