АҚШнинг сайланган президенти Дональд Трампнинг инаугурация маросимида турли муассаса ва хизматларнинг 28 мингга яқин ходими хавфсизликни таъминлашда иштирок этади. Бу ҳақда АҚШ миллий хавфсизлик вазири Жей Жонсон маълум қилди, дея хабар беради «ТАСС».
Хавфсизлик чоралари жуда кенг кўламда бўлади. Гап вазирлик, Махфий хизмат, транспортда хавфсизлик бошқармаси, қирғоқ ҳимояси ва бошқа тизимларнинг тахминан 10 минг нафар ходими ҳақида кетмоқда. Операцияда яна 12 минг киши, жумладан, Миллий гвардиянинг 7,8 минг жангчиси, ФҚБ, турли полиция бошқармалари, хусусан, парклар ва Капитолий полицияси ходимлари иштирок этади. Инаугурацияда хавфсизликни бевосита ёки билвосита тахминан 28 минг киши таъминлайди.Вазирнинг сўзларига кўра, Вашингтон марказида 900 минггача киши тўпланиши кутилмоқда. Ундан ташқари, 100 дан ортиқ турли ташкилотлар АҚШ пойтахтида яқин кунларда акциялар ўтказиш режасини билдирган. Улар орасида Трамп тарафдорлари ва унга қарши чиқаётганлар бор.Жей Жонсон, АҚШ миллий хавфсизлик вазири
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)