G‘arbiy Afrika mamlakatlari iqtisodiy hamjamiyati Gambiyadagi harbiy operatsiyani to‘xtatib, respublika sobiq prezidentiga o‘z vakolatlarini tugatish va hokimiyatni saylangan davlat rahbariga topshirish uchun imkoniyat berishga qaror qildi. Bu haqda Reuters hukumat doiralaridagi manbasiga tayanib xabar berdi, deb yozadi “RBK”.
Tashkilotdagilar aytishicha, vakolatlari muddati 19-yanvar kuni tugagan prezident Yayya Jamme 20-yanvar kuni tush vaqtigacha hokimiyatdan voz kechishi kerak. Aks holda, mamlakat hududidagi harbiy operatsiya davom ettiriladi.
Avvalroq Senegal Gambiyada prezident Jamme o‘z vakolatlarini tugatishdan bosh tortgani uchun yuzaga kelgan “tang vaziyatni barqarorlashtirish uchun” mamlakatga o‘z harbiy kontingentini kiritgan edi.
Izoh (0)