17 январь куни ассамблеянинг Страсбургдаги ялпи сессиясида овоз беришнинг тўртинчи босқичи якунларига кўра Европарламентнинг янги раҳбари сайланди, деб ёзади «РИА Новости». У Европа халқ партияси парламент фракцияси вакили, 63 ёшли италиялик Антонио Таяни бўлди.
Ассамблея раиси лавозимини тарк этаётган Мартин Шульц ноябрь ойида истеъфога чиқишини эълон қилган ва Германияда 2017 йилги сайловларда Шимолий Рейн-Вестфалияда Социал-демократик партиянинг сайлов рўйхатида етакчилик қилиш қарорини айтган эди.
Таянига 351 нафар депутат, унинг асосий рақиби, европалик социалистларнинг парламент фракцияси вакили Жанни Пителлага 282 нафар депутат овоз берди. 80 киши бетараф қолди.
Изоҳ (0)