17-yanvar kuni assambleyaning Strasburgdagi yalpi sessiyasida ovoz berishning to‘rtinchi bosqichi yakunlariga ko‘ra Yevroparlamentning yangi rahbari saylandi, deb yozadi “RIA Novosti”. U Yevropa xalq partiyasi parlament fraksiyasi vakili, 63 yoshli italiyalik Antonio Tayani bo‘ldi.
Assambleya raisi lavozimini tark etayotgan Martin Shuls noyabr oyida iste’foga chiqishini e’lon qilgan va Germaniyada 2017-yilgi saylovlarda Shimoliy Reyn-Vestfaliyada Sotsial-demokratik partiyaning saylov ro‘yxatida yetakchilik qilish qarorini aytgan edi.
Tayaniga 351 nafar deputat, uning asosiy raqibi, yevropalik sotsialistlarning parlament fraksiyasi vakili Janni Pitellaga 282 nafar deputat ovoz berdi. 80 kishi betaraf qoldi.
Izoh (0)