Сеул марказий суди Samsung Electronics компанияси вице-президенти Ли Чжэ Ённи ҳибсга олиш учун ордер бериш масаласи ҳақидаги ишни кўриб чиқишни бошлади, деб ёзади «ТАСС». У порахўрлик, компания маблағларини ўзлаштириш ва ёлғон кўрсатмалар беришда гумонланмоқда.
Корея Республикаси махсус прокурори Пан Ён Су тегишли даъвони судга 16 январь куни юборди. У, шунингдек, мамлакат ҳукуматидагилар ҳибс Жанубий Кореянинг энг йирик компанияларидан бирига салбий таъсир ўтказиши мумкинлигини инобатга олган ҳолда, ушбу масалада босиқлик билан ёндашиш кераклигини айтишганини таъкидлади.
Аммо махсус прокурор жиноятнинг оғирлигини ва прецедентлар мавжудлигини ҳисобга олиб, қонуннинг расмий талқини билан ҳаракат қилишга қарор қилди.
Тергов версиясига кўра, айнан Ли Чжэ Ён мамлакат президент Пак Кин Хенинг яқин дугонаси Чхве Сун Силга молиявий кўмак бериш ҳақидаги қарорни қабул қилган, эвазига эса ҳукумат томонидан бизнесни самаралироқ юритиш учун турли муросаларни талаб қилган.
Изоҳ (0)