Сноуден WikiLeaks информатори Мэннингга нисбатан ҳукмни юмшатгани учун Обамага миннатдорлик билдирди

Америка махсус хизматлари собиқ ходими Эдвард Сноуден АҚШ президенти Барак Обамага WikiLeaks ташкилоти информатори Брэдли Мэннингга нисбатан суд ҳукмини юмшатиш қарори учун миннатдорлик билдирди, деб ёзади «ТАСС» унинг Twitter’ига таяниб.

«Бу ростакамига, тоза қалб билан айтилсин: раҳмат, Обама», — деб ёзди Сноуден.

Let it be said here in earnest, with good heart: Thanks, Obama. https://t.co/IeumTasRNN

— Edward Snowden (@Snowden) January 17, 2017

Аввалроқ Оқ уй матбуот хизмати Обама Мэннингга нисбатан суд ҳукмини юмшатганини, шунинг ҳисобига у 17 май куни озодликка чиқишини маълум қилган эди.

Ҳарбий разведканинг собиқ таҳлилчиси Мэннинг панжара ортида 31,5 йилни ўтказиши керак эди. У 2010 йилда Кувайтда жосусликда ва давлат мулкини ўғирлашда айбланиб, ҳибсга олинган эди.