АҚШ Марказий разведка бошқармаси 13 миллион ҳужжатдан иборат архивини эълон қилди

АҚШ Марказий разведка бошқармаси (МРБ) 13 миллион ҳужжатдан иборат архивини онлайн тарзда жойлаштирди. Бу ҳақда «ТАСС» хабар бермоқда.

CNN телекомпаниясига кўра, махфийлик тамғаси олинган ҳужжатлар бошқарма ташкил этилган 1947 йилдан 1990 йилгача бўлган даврни ўз ичига олади. Улар, жумладан, МРБнинг «совуқ уруш» даври, шунингдек, Вьетнам ва Кореядаги ҳарбий можаролар давомидаги фаолиятига ойдинлик киритади.

Разведка бошқармаси ушбу архив билан танишиш имкониятини 2017 йил охирига қадар яратишни режалаштирганди, бироқ ҳужжатларни чоп этишга тайёрлаш ишлари белгиланган муддатдан аввал якунланди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.