Борис Немцовнинг ўлдирилиши бўйича суд жараёнида «Шимол» батальонининг собиқ командири Алибек Делимханов гувоҳ тариқасида сўроқ қилинди. Россиялик сиёсатчи ўлдирилишида айбланаётганлардан бири Заур Дадаев айнан унинг қўл остида хизмат қилган, дея хабар беради «Эхо Москви».
Делимхановнинг кўрсатмаларидан маълум бўлишича, у 2014—2015 йилларда лейтенант Заур Дадаевни хизмат сафари билан Москвага жўнатмаган. Тергов уни Немцовнинг ўлдирилиши бевосита ижрочиси санамоқда. Делимханов марҳумнинг оиласи адвокати Вадим Прохоров томонидан хизмат сафари гувоҳномалари нусхалари кўрсатилишига жавобан ушбу ҳужжатларда унинг имзоси йўқлигини рўкач қилди.
Дадаевнинг хизматдан бўшатилиши ва «Шимол»нинг яна бир жангчиси — Руслан Геремеевнинг Москвага қатновлари борасида эса батальоннинг собиқ командири жавоб бермасликни маъқул кўрди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)