Россия президенти Владимир Путин ҳарбий хизматчиларга қисқа муддатли шартномалар тузишга имкон берувчи қонунни имзолади. Бу ҳақда «РБК» хабар бермоқда.
Олдинлари аскар, матрос, сержант ва старшиналар биринчи шартномани 2 ёки 3 йилга, прапоршик, мичман ёки зобитлар эса 5 йилга тузиши мумкин эди. Янги қонунга кўра, мазкур тоифадаги ҳарбий хизматчилар маълум бир шароитларда бир йилгача (энг кам муддат кўрсатилмаган) бўлган шартномани имзолаш ҳуқуқига эга бўлади.
Қисқа муддатли шартнома фавқулодда ҳолатлар ёки тинчлик ва хавфсизликни таъминлаш давомида тузилиши мумкин.
Шунингдек, бир йилгача бўлган шартнома «Россиядан ташқарида халқаро террорчилик фаолиятига чек қўйиш» ва кемаларнинг сафарга йўл олиши вақтида имзоланиши кўзда тутилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)