Арктиканинг Аксель-Хейберг оролида олимлар 90 миллион йил аввал яшаб ўтган ва ўткир тишлари бўлган қушнинг тошга айланган қолдиқларини топди, дея хабар бермоқда National Geographic.
Тишли қушлар олимларга XIX асрнинг охиридан буён маълум. Айни пайтгача қушларнинг ушбу қирилиб кетган синфига тааллуқли 100 дан ортиқ нусха топилган. Уларга тегишли кўплаб хусусиятлар баҳсли ҳисобланади; олимларда ягона фикр йўқ.
Топилмани Рочестер университети геологлари аниқлади. Тошқотган қолдиқлар таҳлили ушбу қуш яшаб ўтган даврни анча аниқ белгилаш имконини берди: бу бўр даврининг турон яруси (тахминан 93,9—89,8 миллион йил олдин). Ўшанда Арктика муз билан қопланмаган, аксинча у ерда вулқон фаоллиги бўлган, иқлими ҳозирги Флоридадан кўп ҳам фарқ қилмаган, тошбақа ва тимсоҳлар эса фаунанинг одатий вакиллари бўлган.
Топилмага Tingmiatornis arctica деб ном беришди. Унинг ташқи қиёфасини қайта тиклаб, олимлар уни катта чайка ёки бакланга қиёсламоқда.
Изоҳ (0)