Камбоджа бош вазири Хун Сен АҚШнинг сайланган президенти Дональд Трампни лавозимига киришганидан сўнг қиролликнинг 274 миллион доллар атрофидаги қарзидан воз кечиш масаласини кўриб чиқишга чақирди. Бу ҳақда «ТАСС» хабар бермоқда.
Бош вазирга кўра, мазкур қарз 1970-йилларда, кейинчалик Пол Пот мустабид тузуми томонидан ағдарилган Лон Нол ҳукумати вақтида тўпланган. Ўша йилларда АҚШ собиқ Кампучияга гуруч, ун ва матолар харид қилиш мақсадли товар кредитлари тақдим этган. Шу боис ҳозирги маъмурият аввалги расмийлар орттирган қарз учун жавоб бермаслиги лозим.
Бош вазир Ҳиндихитойда 1973 йилгача давом этган АҚШ ҳарбий тажовузи давомида мамлакатга етказилган зарар учун Вашингтонга нисбатан даъво билдирилмаётганини писанда этиб ўтди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)