Туркманистон Сайловлар ва референдумлар ўтказиш бўйича марказий комиссияси томонидан мамлакат президентлигига номзодлар сифатида айни пайтгача жами тўққиз киши рўйхатдан ўтди, дея хабар бермоқда «Туркменистан сегодня».
Рўйхатга олинган даъвогарлар орасида баъзи вилоятлар ҳокимлари ўринбосарлари, шунингдек, Сейди нефтни қайта ишлаш заводи директори, Мажлис депутати Рамазон Дурдиев, «Гарабогазсульфат» ишлаб чиқариш бирлашмаси бош директори Сулаймоннафас Нурнафасов ва бошқалар бор.
Туркманистон президенти сайлови 2017 йил 12 февралга белгиланган.
Рўйхатга олиш босқичи якунлангач, тарғибот кампанияси бошланади. Сайловолди жараёнларининг боришини миллий кузатувчилар билан бирга, турли халқаро ташкилотларнинг махсус таклиф этилган вакиллари кузатиб боради.
Изоҳ (0)