Исроил мудофаа вазири яҳудийларни Францияни тарк этишга чақирди

Исроил мудофаа вазири Авигдор Либерман Францияда истиқомат қилувчи яҳудийларни ушбу мамлакатни тарк этишга чақирди, деб ёзади «Газета.ru».

«Франциядаги яҳудийларга: ‘Бу сизнинг мамлакатингиз эмас, бу сизнинг ерингиз эмас, Франциядан кетиб, Исроилга келин’, дейдиган вақт келганга ўхшайди», — деди у Исроилнинг «Исроил — бизнинг уйимиз» партияси йиғилишида.

Вазирнинг баёноти 2017 йил 15 январга белгиланган, Яқин Шарқдаги тинчликка бағишланган халқаро анжуман билан боғлиқ, у тадбир ташаббусчиси Францияда бўлиб ўтади. Анжуманда 70 га яқин давлат ва халқаро ташкилотлар қатнашиши кутилмоқда.

Либерманнинг сўзларига кўра, яҳудийларнинг Францияни тарк этиши — «ушбу фитнага ягона жавоб», анжуман эса — «Исроил давлатига қарши трибунал».

У, шунингдек, анжуманнинг асл мақсади «Исроил давлати хавфсизлигига путур етказиш ва унинг ҳалол номига доғ тушириш» эканлигини айтди.