АҚШ мудофаа вазирлигини 2017 йилда молиялаштирилиши хориж тарғиботига қарши кураш марказининг очилишини ҳам кўзда тутади. Тегишли қонун мамлакат президенти Барак Обама томонидан имзоланди, дея хабар беради «РБК».
Қонунга кўра, мазкур марказ Давлат департаменти тизимига киради, уни тузиш билан Давлат котиби, мудофаа вазири ва бошқа қатор федерал муассасалар раҳбарлари шуғулланади.
Марказ вазифалари қаторига АҚШ, шунингдек, иттифоқдошлари ва шериклари миллий хавфсизлигига таҳдид туғдирадиган хорижий ахборот материалларини кузатиб бориш ва баҳолаш, зарурат бўлганда далилларга асосланган материаллар тарқатишга кўмак бериш, ёлғон хабарларни инкор этиш тактикаси ва техникасини шакллантириш киради. Бунинг учун марказга замонавий ахборот технологиялари тақдим этилади.
2017 ва 2018 йилларда марказ фаолияти учун давлат томонидан 80 миллион доллардан ажратилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)