Филиппин президенти Родриго Дутерте БМТни ёқиб юбориш билан таҳдид қилди. Бу ҳақда «Корреспондент.net» хабар бермоқда.
«БМТга шикоят қилишингиз мумкин. Агар Америкага борсам, бу ташкилотни ёқиб юбораман», — дея пўписа қилган Дутерте Замбоанга шаҳридаги ҳарбий базада чиқиши чоғида.
Филиппин президентининг навбатдаги норозилигига халқаро ташкилот қошидаги ҳуқуқ ҳимоячиларининг наркосавдога алоқадорликда айбланган кишилар ўлдирилишини текширишни талаб қилгани сабаб бўлди.
БМТ маълумотларига кўра, Дутерте ҳокимиятга келганидан бери мамлакатда наркосавдо билан боғлиқ 6 мингдан ортиқ одам ўлдирилди.
Эслатиб ўтамиз, олдинроқ Дутерте Давао шаҳри мэри лавозимида ишлаган вақтларида жиноятни содир этишда гумонланганларни шахсан ўзи ўлдирганини маълум қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)