Бельгиядаги турк федерацияси биноси яқинида портловчи қурилма зарарсизлантирилди

Брюсселдаги Бельгия турк федерацияси биноси олдида қўлбола портловчи қурилма топилди. Бу ҳақда пойтахт прокуратураси расмий вакили Дени Гэман маълум қилди, дея хабар беради «Ведомости».

Федерация жойлашган Скарбек коммунасида полиция операцияси ўтказилди. Экспертлар пластик пакетга жойлаштирилган ва сапёрлар томонидан зарарсизлантирилган қурилма бомба эканлигини тасдиқлади.

Портловчи қурилма газ баллондан тайёрлангани маълум бўлди. Бунга қўл урган шахсларни аниқлаш мақсадида ҳодиса жойида полиция лабораторияси ишламоқда. Ҳозирча ҳеч ким қўлга олингани йўқ.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.