КХДР аввалгидек иқтисодиётни ривожлантириш билан бирга ядровий салоҳиятини мустаҳкамлаб боради. Бу ҳақда Корея Меҳнат партияси ва Давлат кенгаши раиси Ким Чен Ин Пхеньянда 23 декабрь, жума куни иш бошлаган бошланғич партия қўмиталари котиблари конференциясида маълум қилди, дея хабар беради «ТАСС».
Корея марказий телеграф агентлигига кўра, Ким Чен Ин анжуман қатнашчиларини халқаро сиёсий вазият, жумладан, Шимоли-Шарқий Осиё ва Жанубий Кореядаги ҳолат билан таништириб ўтди.
«Дунёда юзага келган вазият КХДР ҳам иқтисодиётни ривожлантириш, ҳам ядровий салоҳиятни мустаҳкамлашга қарор қилиб, тўғри стратегик йўлни танлаганини кўрсатмоқда. Мамлакат санкциялар ва империалистик кучлар босимига қарамай, муваффақиятларга эришиб келмоқда», — дея таъкидлади Шимолий Корея раҳбари.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)