Берлин марказида юк машинасининг оломонга келиб урилиши оқибатида 12 киши ҳалок бўлди. Бу ҳақда шаҳар полициясининг Twitter’даги саҳифасида хабар берилган.
«Брайтшайдплацда 12 киши ҳаётдан кўз юмганини қайғу билан маълум қиламиз. 48 киши касалхоналарга ётқизилган, улардан айримлари жиддий жароҳат олди», — дейилади твитда.
Ҳодиса 19 декабрь, душанба куни кечки пайт рўй берди. Рождество ярмаркасига келганлар қаторига юк машинаси бориб урилди. Ҳайдовчи яширинишга уринди, бироқ қўлга олинди. Кабинада бўлган иккинчи киши ҳалок бўлди.
Норасмий манбаларга кўра, жиноятни содир этишда гумон қилинаётган шахс Афғонистон ёки Покистонда туғилиб-ўсган. У аввал ҳам унча оғир бўлмаган жиноий ишлар содир этгани учун ҳуқуқ-тартибот идоралари нигоҳига тушгани билдирилмоқда.
Юк машинаси Польшада ўғирланган бўлиши мумкин. Германия ички ишлар вазири Томас де Мезьер юз берган ҳодиса теракт эканлигини кўрсатувчи омиллар кўп эканлигини таъкидлади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)