Айни пайтда Россия НАТОга ҳужум қилмайди, аммо альянс ўзининг Россия билан чегарадош бўлган иттифоқдошларини эҳтиёт юзасидан тайёрлаб қўяди. Бу ҳақда АҚШнинг НАТОдаги доимий вакили Дуглас Льют маълум қилди, деб ёзади «РБК».
«Россияда кимдир НАТОга ҳозир ҳужум қилмоқчи эканлигига ишонмайман, бироқ бу Эстония каби иттифоқдошларимизни эҳтиёт юзасидан тайёрлаб қўйишга масъул эмаслигимизни билдирмайди. Улар олдинги позициядаги иттифоқдошларимиз ҳисобланади, яъни Россия билан чегарадош», — деди у. Льют бундай мамлакатлар киберҳужумлар ва ёлғон хабарлар тарқалишига дучор бўлиши мумкинлигини таъкидлади.
АҚШнинг НАТОдаги доимий вакили сўнгги бир неча йил ичида, Россия, сиёсатчи фикрича, ноқонуний тарзда Қримни ўзига қўшиб олганидан кейин, Москва дунё тизими Иккинчи жаҳон уруши вақтларидан буён амал қилиб келган «қоидалар китоби»ни йиртиб ташлаганлигини қайд этди. У Россия «НАТО учун беқарорлик, ишончсизлик ва олдиндан билиб бўлмаслик» белгисига айланганини таъкидлади.
Изоҳ (0)