Қўшма Штатлар томонидан сув ости дронларининг ишлатилиши Жанубий Хитой денгизининг баҳсли ҳудудларида Хитойга нисбатан жосуслик олиб борилаётганидан дарак беради. Бу ҳақда «Жэньминь жибао» газетаси маълум қилди, дея хабар беради «Интерфакс».
«Дронлардан фойдаланилиши АҚШнинг асл ниятини беркита олмайди. Жанубий Хитой денгизи юзасига чиққан ушбу қурилмалар Қўшма Штатларнинг Хитойга нисбатан ҳарбий стратегияси бир қисмидир», — дейилади нашрда 19 декабрь, душанба куни эълон қилинган мақолада.
Хитой армияси миллий университети профессори Ма Ганга кўра, Хитой кемаси томонидан аниқланган USNS Bowditch дрони моҳиятан мамлакат қирғоқларида 2002 йилдан бери жосуслик билан шуғулланиб келаётган разведка кемаси ҳисобланади.
Эслатиб ўтамиз, Хитой мудофаа вазирлиги АҚШга сув ости дронини қайтариб беришга қарор қилган, сайланган президент Дональд Трамп эса Хитойга қурилмани ўзида қолдиришни таклиф этганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)