Украина президенти Пётр Порошенконинг матбуот котиби Святослав Цеголко 1 декабрь куни Қрим яқинида бўлиб ўтган отиш машқлари чоғида 16 та ракета учирилганини маълум қилди, деб ёзади «Корреспондент.net».
«Мудофаа вазири ва Бош штаб бошлиғи ҳозиргина президентга бугунги отиш машқлари муваффақиятли кечганини хабар қилди. 16 та Украина ракеталари учирилди. Барчаси нишонга бориб етди. Бугунги вазифа тўлиқ ҳажмда бажарилди», — деб ёзди Цеголко Facebook’даги саҳифасида 1 декабрь куни.
Унинг сўзларига кўра, ҳарбий машғулотлар 2 декабрь, жума куни ҳам давом этади.
Эслатиб ўтамиз, аввалроқ Россия мудофаа вазирлиги Украинанинг Қримдаги ҳарбий машғулотлари чоғида жавоб чоралари ҳақида билдиришнома эълон қилган эди.
Изоҳ (0)