Ukraina prezidenti Pyotr Poroshenkoning matbuot kotibi Svyatoslav Segolko 1-dekabr kuni Qrim yaqinida bo‘lib o‘tgan otish mashqlari chog‘ida 16 ta raketa uchirilganini ma’lum qildi, deb yozadi “Korrespondent.net”.
“Mudofaa vaziri va Bosh shtab boshlig‘i hozirgina prezidentga bugungi otish mashqlari muvaffaqiyatli kechganini xabar qildi. 16 ta Ukraina raketalari uchirildi. Barchasi nishonga borib yetdi. Bugungi vazifa to‘liq hajmda bajarildi”, — deb yozdi Segolko Facebook’dagi sahifasida 1-dekabr kuni.
Uning so‘zlariga ko‘ra, harbiy mashg‘ulotlar 2-dekabr, juma kuni ham davom etadi.
Eslatib o‘tamiz, avvalroq Rossiya mudofaa vazirligi Ukrainaning Qrimdagi harbiy mashg‘ulotlari chog‘ida javob choralari haqida bildirishnoma e’lon qilgan edi.
Izoh (0)