КХДРнинг Жанубий Корея билан чегарасида кенг кўламли артиллерия машқлари бошланди. Машғулотларни мамлакат етакчиси Ким Чен Ин кузатиб бормоқда. Бу ҳақда «Ведомости» хабар берди.
«Агар уруш бошлангудек бўлса, Жанубий Корея кучларига уларни қарши ҳаракатларга иродасини сўндирадиган ва Ер юзидан буткул супуриб ташлайдиган зарба берилади. Ҳеч ким ва ҳеч нарса омон қолмайди», — дея ваъда қилди Ким Чен Ин.
Машқларга Жанубий Кореянинг Сариқ денгиздаги чегарадош ороллари ва Сеулга бериладиган артиллерия зарбалари асос қилиб олинган. Машғулотлар БМТ Хавфсизлик кенгаши томонидан маъқулланган Пхеньянга қарши санкцияларнинг янада кучайтирилиши асносида бўлиб ўтмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)