Эрон билан унинг ядро дастури ҳақида тузилган битим чала бўлиб, АҚШнинг янги сайланган президенти Дональд Трамп ва унинг маслаҳатчилари Вашингтон ушбу битим борасида нима қилиши кераклиги юзасидан ички муҳокамаларга аллақачон киришди. Бу ҳақда АҚШнинг навбатдаги вице-президенти Майкл Пенс маълум қилди, деб ёзади «ТАСС».
Унинг сўзларига кўра, Трампнинг ўтиш жамоаси Эрон билан ядро келишувини қандай келажак кутаётгани ҳақида «ички мунозараларни бошлаб бўлган». Битимнинг ўзини Пенс «ғоятда чала» деб атади. У «янги сайланган президент ушбу масалани ниҳоятда пухталик билан кўриб чиқиши»ни таъкидлади.
Пенс айтишича, Трампнинг ёрдамчилари ушбу муаммони ҳал қилиш жараёнида унга «АҚШ ва унинг энг қимматли иттифоқдошлари манфаатларини биринчи ўринга қўядиган» энг яхши вариантларни таклиф қилиш ниятида.
Изоҳ (0)