АҚШ Марказий разведка бошқармаси (МРБ) директори Жон Бреннан сайланган президент Дональд Трампга Россиянинг Сурия бўйича ваъдаларига эҳтиёткорлик билан муносабатда бўлишни маслаҳат берди. Бу ҳақда «РБК» маълум қилди.
«Россия кўпинча ўзи фаолият олиб бораётган мамлакатларда яшовчи кишилар манфаатига зид тарзда, миллий манфаатларидан келиб чиқиб ҳаракат қилади. Президент Трамп ва янги маъмурият Россиянинг ваъдаларидан хавфсираши зарур, деб ўйлайман. Тушунишимча, улар ваъда қилганларини бажармайди. Россияликлар жанг майдонида имкон борича салмоқли тактик ютуқларга эришмагунча ортга чекинмайди», — дея таъкидлади Бреннан.
Маълумот учун, Жон Бреннаннинг МРБ директори лавозимидаги ваколати 2017 йил 1 январида якунланади. Трамп Канзас штатидан конгрессмен Майк Помпеони бошқарманинг келгуси раҳбари сифатида танлади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)