Қозоғистон президенти Нурсултон Назарбоев ўзининг бразилиялик ҳамкасби Мишель Темерга Колумбияда бортида «Шапекоэнсе» футбол клуби аъзолари бўлган лайнер ҳалокати муносабати билан таъзия телеграммасини жўнатди, деб ёзади «ТАСС» Қозоғистон етакчиси матбуот хизматига таяниб.
Telegramмада таъкидланишича, Назарбоев «Колумбия Республикаси ҳаво ҳудудида содир бўлган авиаҳалокат натижасида Бразилия фуқаролари қурбон бўлгани ҳақидаги қайғули хабарни қаттиқ ачиниш билан қабул қилган».
«Жудолик дардига ҳамдард бўлган ҳолда, Қозоғистон халқи ва шахсан ўзимнинг номимдан марҳумларнинг қариндошлари ва яқинларига, шунингдек, бутун Бразилия халқига таъзия билдираман», — дейилади матнда.
«Шапекоэнсе» футболчилари 1 декабрь куни Копа Судамерикано – Жанубий Америка минтақаси клублари ўртасидаги Копа Либертадорес турниридан кейин нуфузи жиҳатдан иккинчи ўринда турадиган мусобақаси доирасида «Атлетико Насьонал» клубига қарши майдонга тушиши керак бўлган.
Сўнгги маълумотларга кўра, Колумбиядаги авиаҳалокат оқибатида қурбон бўлганлар сони 75 кишига етди.
Бразилияда авиаҳалокат қурбонлари хотирасига мотам эълон қилинди.
Изоҳ (0)