Дональд Трамп ва унинг турмуш ўртоғи Меланья Оқ уйдаги президент апартаментларини қандай санъат асарлари билан безайди? The Wall Street Journal газетасида чоп этилган мақолада мазкур саволга жавоб изланган, дея хабар беради «ТАСС».
«Трамп президентлик лавозимини эгаллаши билан Оқ уй доимий коллекциясидан санъат намуналарини танлаши ёки Вашингтондаги музейлар омборларидан вақтинча олиб туриши мумкин. Трамп ва унинг турмуш ўртоғи Оқ уй залларига ўзларига шахсан тегишли асарларни ҳам жойлаштирса бўлади. Қайсидир мусаввирларни ёқтиришини билдириб, Трамп уларнинг асарлари нархини кескин кўтариб юбориши ҳам эҳтимолдан холи эмас», — дея ёзади газета.
Сайланган президент ҳозирда рафиқаси билан истиқомат қилаётган, қиймати 100 миллион доллар турадиган пентхауснинг безатилиши Трамп XVIII аср француз услуби, яъни тилла суви юритилган мебель, мармар плиталари, безакли шифтлар ва Аполлон, Эрос, Психея каби асотир қаҳрамонлари тасвирланган ҳайкалларни ёқтиришидан далолат бермоқда.
Санъат асарлари коллекцияларини тўплайдиган ва сақлайдиган Оқ уй тарихий ассоциацияси вакили янги президент Оқ уйни дидига мослаб безатиш учун тахминан бир йил кетишини билдирди. Конгресс бу мақсадлар учун 100 минг доллар ажратади.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)