AQSh Markaziy razvedka boshqarmasi (MRB) direktori Jon Brennan saylangan prezident Donald Trampga Rossiyaning Suriya bo‘yicha va’dalariga ehtiyotkorlik bilan munosabatda bo‘lishni maslahat berdi. Bu haqda “RBK” ma’lum qildi.
“Rossiya ko‘pincha o‘zi faoliyat olib borayotgan mamlakatlarda yashovchi kishilar manfaatiga zid tarzda, milliy manfaatlaridan kelib chiqib harakat qiladi. Prezident Tramp va yangi ma’muriyat Rossiyaning va’dalaridan xavfsirashi zarur, deb o‘ylayman. Tushunishimcha, ular va’da qilganlarini bajarmaydi. Rossiyaliklar jang maydonida imkon boricha salmoqli taktik yutuqlarga erishmaguncha ortga chekinmaydi”, — deya ta’kidladi Brennan.
Ma’lumot uchun, Jon Brennanning MRB direktori lavozimidagi vakolati 2017-yil 1-yanvarida yakunlanadi. Tramp Kanzas shtatidan kongressmen Mayk Pompeoni boshqarmaning kelgusi rahbari sifatida tanladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)