Қисқа вақт ичида меҳмонлар келиши кутилаётган, уларга бирор «жиддий» таом тайёрлаш учун вақт етарли бўлмаган вазиятлар барчамизга таниш. Бундай пайтда тез тайёр бўладиган газаклар ёрдамга келади. Улар 5—10 дақиқада тайёр бўлиши билан бирга сизга чексиз мақтовлар олиб келиши эҳтимоли жуда ҳам юқори!
«Оқ тасма» салати
Фото: Flickr
Керакли масаллиқлар
салат барглари;
зайтун меваси;
помидор;
қўзиқорин;
кўк нўхат;
қайнатилган тухум;
пишлоқ;
қайнатилган товуқ гўшти;
қалампир;
маккажўхори.
Тайёрланиши
Салат тайёрлашнинг энг асосий жиҳати — уни шиша идишларга чиройли ва турли-туман қатламлар шаклида жойлашдадир. Барча масаллиқларни тўғраб ёки қўлда майдалаб, оч ва ёрқин рангли маҳсулотларни навбатма-навбат, орасига майонез суриб жойлаймиз. Агар майонез таъбингизга мос келмаса, ўрнига табиий ёгуртдан фойдалансангиз ҳам бўлади.
Қийма солинган помидор
Фото: Flickr
Зарур маҳсулотлар
4 та йирик ёки ярим кило черри помидори;
1 банка треска балиғи жигари консерваси;
200 грамм творог;
кўкат ва туз.
Тайёрланиши
Консерва идишдаги ёғни тўкиб, ундаги жигарни творог ва кўкат билан бирга эзиб, аралаштирамиз. Помидорларнинг устки қисмини кесиб олиб, ичидаги этини оламиз ва унга қиймадан соламиз. Унинг юқори қисмини таъбга кўра маккажўхори доналари ёки зайтун меваси билан безатиш мумкин.
Уйда консерва бўлмаган ҳолларда помидорни фақат творог ва майдаланган саримсоқли қийма билан ҳам тайёрлаш мумкин. Улар янада майин бўлиши учун бироз табиий ёгурт қўшиш мумкин.
Ёқимли иштаҳа!
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)